И.Я.Яковлев ячĕллĕ Чăваш патшалăх педагогика университечĕн чăваш чĕлхипе литератури кафедринче 2016 çулта Чăваш Республикинчи Ĕç çыннин çулталăкне халалланă «Чăваш чĕлхипе литератури. Уçă урок тата класс тулашĕнчи чи лайăх ĕç» республика шайĕнчи конкурс иртнĕ.

     Конкурса  чăваш чĕлхипе литературине, тăван ен культурине шкулта, вăтам професси пĕлĕвĕ паракан вĕренÿ заведенийĕсенче вĕрентекенсем хутшăннă. Конкурс пилĕк номинаципе иртнĕ.

     Конкурсăн виççĕмĕш пĕтĕмлетĕвĕ чÿк уйăхĕн вĕçĕнче пулнă. Пирĕн шкулти чăваш чĕлхипе литературине вĕрентекен Школьникова Л.П. «Чăваш чĕлхипе литератури урокĕ, класс тулашĕнчи мероприяти (чăваш шкулĕ) номинацире 1-мĕш вырăн йышăннă. Ĕçтешĕмĕре çĕнтерÿ ячĕпе саламлатпăр. Малалла та ĕçре çитĕнÿсем сунатпăр.