Ака уйăхĕн 25-мĕшĕнче «Пĕтĕм чăваш диктанчĕ – 2019» иртрĕ. Диктант çырма пухăннисене малтанах  шкулта чăваш чĕлхипе литературине вĕрентекекн Школьникова Л.П. Чăваш чĕлхи кунĕпе саламларĕ, диктанта çырма ăнăçу сунчĕ, кĕскен ĕç йĕркипе паллаштарчĕ.

Диктант тексчĕ «Мăнаçлăхăмăр, мухтавăмăр» Чăваш театрĕпе киновне пуçарса яракан И.С.Максимов-Кошкинскийпа унăн мăшăрĕ,  пултаруллă киноактриса, Тани Юн çинчен пулнă май Луиза Петровна пухăннисене  çак мухтавлă çынсен пурнăçĕпе тата пултарулăхĕпе кĕскен паллаштарчĕ.

Диктант çырма  ытларах аслă классенче вĕренекенсемпе вĕрентекенсем  килĕшрĕç. Çавăн пекех  Эйпеçри модельлĕ библиотека библиотекарĕ те хутшăнчĕ.

Диктанта аван çырнине те асăнса хăвармалла, мĕншĕн тесен вĕсенчен 50% «5» паллă,  40%   «4»  паллă илнĕ.