Ака уйăхĕн 24-мĕшĕнче шкулăн акт залне вĕрентекенсемпе вĕренекенсем йышлă пуçтарăнчĕç. Вăл кун 5-6-мĕш классенче вĕренекенсем чăваш чĕлхипе литератури вĕрентекенĕ, Школьникова Л.П., ертсе пынипе  чăвашла  пьеса-инсценировкăсем лартса пачĕç, юптарусем вулаĕç. 6-мĕшсем И.Я.Яковлевăн «Ваттисемпе çамрăксем» калавĕ тăрăх  Валерий Михайлов çырнă «Ватта сума су» инсценировкине тата Архип Александровăн «Тĕрĕс тунă», 5-мĕш класри Д.Ильина, В.Шухеева тата О.Капустин Лидия Саринен «Симĕс çутă – малалла» пьесисене аван лартса пачĕç.

Ç авăн пекех  2-мĕш класри К.Анисимов П.Хусанкайăн «Эпир Российăра пурнатпăр», 5-мĕш класра вĕренекен Ю.Матвеева Г.Айхи çырнă «Çын тата сцена», 6-мĕш класри М.Мельцова П.Хусанкайăн «Мухтав сана, Чăваш театрĕ» сăввисене  янраттарнă. Куракансене М.Мельцова вуланă Е.Светлаян «Çĕрĕк тунката» юптарăвĕ те питĕ кăмăла кайнă. Курма пуçтарăннисем тăвăллăн алă çупрĕç.