Эйпеçри пĕтĕмĕшле пĕлÿ паракан вăтам шкулта Чăваш чĕлхи эрни пырать. Эрнене чăваш халăхĕн Аслă Вĕрентекенне И.Я.Яковлева тата «Мухтавлă ентешсен çулталăкне» халалланă. Çавна май кашни кунах тĕрлĕ мероприяти иртет.  Ака уйăхĕн 18-мĕшĕнче Чăваш чĕлхи эрнине уçрĕç.

  Чăваш чĕлхипе литературине вĕрентекен Школьникова Л.П. 5-мĕш класра ашшĕ-амăшĕсем умĕнче уçă урок ирттерчĕ. Урок теми «Лексика» темăна вĕренсе пĕтернине аса илсе çирĕплетесси» пулчĕ. Ачасем урокра тăрăшса ĕçлерĕç, хăйсем мĕн пĕлнине ашшĕ-амăшне тата шкул администрацине кăтартса пачĕç. Аслисем урокпа кăмăллă юлчĕç. Çакăн пек уçă уроксем пулсан хăйсен ачисем шкулта мĕнле вĕреннине, уроксенче мĕнлерех ĕçленине тата пĕлнине пĕлме аванрах пулĕччĕ тесе палăртса хăварчĕç.