Чăваш  чĕлхи эрнинче чăвашла илемлĕ сăвă вулакансен конкурсĕ иртрĕ. Малтанах конкурса классенче ирттерчĕç.  Класра чи лайăх сăвă вулакансене тупса палăртрĕç.

     Ака уйăхĕн 21-мĕшĕнче 5-7-мĕшсем хушшинче классенчи 12 çĕнтерÿçĕ тупăшрĕ.  Пурте сăвва илемлĕ калама тăрăшрĕç. Жюри членĕсене вĕсен хушшинче чи лайăххисене суйласа илме йывăртарах пулчĕ. Канашланă хыççăн çĕнтерÿçĕ 5-мĕш класра вĕренекен Анисимов Кирилл пулса тăнине палăртрĕç. Вăл Петĕр Хусанкай çырнă «Эп – чăваш ачи» сăвва чунта-чĕререн, хавхаланса, ăста вуларĕ. Иккĕмĕш вырăна  Ласточкина Каринăпа Максимова Виктория (иккĕшĕ те 5-мĕш класра вĕренеççĕ), виççĕмĕш вырăна   вара Денисов Борис (6-мĕш класс), Михайлов Генăпа Федорова Анжелика (5-мĕшсем) йышăнчĕç.

  Конкурса хутшăнакансене пурне те Хисеп хучĕсемпе Сертификатсем парса чыс турĕç.