Ака уйăхĕн 25-мĕшĕнче «Пĕтĕм чăваш диктанчĕ – 2022» акци иртрĕ. Диктант çырма пухăннисене малтанах  шкулта чăваш чĕлхипе литературине вĕрентекекн Школьникова Л.П. Чăваш чĕлхи кунĕпе саламларĕ, диктанта çырма ăнăçу сунчĕ, кĕскен ĕç йĕркипе паллаштарчĕ.

Диктант тексчĕ «Уçлăхра – икĕ космонавт» чăвашсен пĕрремĕш космонавчĕ Андриян Николаевпа украина çынни Павел Попович çинчен пулнă май, Луиза Петровна пухăннисене  çак мухтавлă çынсен пурнăçĕпе тата пултарулăхĕпе кĕскен паллаштарчĕ.  Кăçал Чăваш республикинче «Мухтавлă ентешсен çулталакне» паллă тăваççĕ, тата çурла уйăхĕнче Андриян Григорьевич Николаев космоса вĕçнĕренпе шăпах 60 çул çитет.

Диктант çырма  ытларах аслă классенче вĕренекенсемпе вĕрентекенсем  килĕшрĕç. Çавăн пекех  Эйпеçри «Аистенок» ача садĕнчи воспитательсем, модельлĕ библиотека библиотекарĕ И.В.Григорьева, ялти клубра илемлĕх ертÿçинче вăй хуракан А.С.Школьникова, ачасен амăшĕсем  те хутшăнчĕç.