Пуш уйӑхӗн 2-мӗшӗнче И.Н.Ульянов ячӗллӗ Чӑваш патшалӑх университетӗнче чӑваш чӗлхипе тата литературипе регионсем хушшинчи олимпиада иртрӗ.
Олимпиадӑна пурӗ 140 вӗренекен хутшӑнчӗ, вӗсенчен 117 - Чӑваш Республикинчен, 4 - Чӗмпӗр облаҫӗнчен, 11 - Тутар тата 7 - Пушкӑрт Республикисенчен.
Вӗренекенсем олимпиадӑра чӑваш чӗлхипе тата литературипе ыйтусем ҫине хурав панисӗр пуҫне куҫару ӗҫне пурнӑҫларӗҫ тата эссе ҫырчӗҫ.
Эйпеҫри вӑтам шкултан олимпиадӑна Мухтеева Юльӑпа (11 класс) МухтеевПавел (9 класс) хутшӑнчӗҫ. Аппӑшӗпе шӑллӗ те питӗ маттур пулчӗҫ: Юля ҫӗнтерӳҫӗ, Павела призер пулма кӑшт кӑна балл ҫитеймерӗ.
Маттур вӗренекенсене тата вӗсен вӗрентекенне (Школьникова Л.П.) саламлатпӑр. Малалла та ӑнӑҫу сунатпӑр
