Космонавтика кунӗ
Ака уйӑхӗн 12-мӗшӗнче Эйпеҫри вӑтам шкулти 7-мӗш класра вӗренекенсем класс ертӳҫипе (Школьникова Л.П.) шкул библиотекинче Космонавтика кунӗ тӗлне И.В. Григорьева библиотекарь йӗркеленӗ кӑсӑклӑ кӗнекесен выставкипе паллашрӗҫ.
Выставкӑпа паллашнӑ хыҫҫӑн ҫиччӗмӗшсем Чӑваш енӗн мухтавлӑ паттӑрӗ, Андриян Григорьевич Николаев летчик космонавт, ҫуралнӑпанпа 95 ҫул ҫитнине халалланӑ викторина вӑйӑ ыйтӑвӗсем ҫине хуравларӗҫ. Пурӗ 30 ыйту пулчӗ.
Вӗренекенсене питӗ килӗшрӗ вӑйӑ, мӗншӗн тесен ыйтусем ҫине хуравланӑ май вӗсем паллӑ ентешӗмӗрӗн пурнӑҫӗпе ӗҫӗ-хӗлӗ ҫинчен тата нумай ҫӗннине пӗлчӗҫ.
Эпир, ҫак вӑййа хутшӑннисем, викторина ыйтӑвӗсене хатӗрлесе паракансене, Чӑваш республикин наци библиотеки ӗҫченӗсене, Тав сӑмахӗ калатпӑр.